AAIIEENN hefur með Phonetically Ayenút tekið stór skref í tónlistarsköpun sinni en hann sækir innblástur víða. Á plötunni er að finna flott stef og áhugaverðar stemmur sem minna á og kallast á við tónlistarfólk og hljómsveitir á borð við Aphex Twin, Autechre, Funckarma, Proem, Múm, GAS og Orb. Allur hjóðheimur plötunnar er útpældur hvað varðar laglínur, trommutakta og hljómaganga en Hallmar er gítarleikari í grunninn. Hallmar naut aðstoðar frá Hrafnkeli Líndal Arasyni við gerð plötunnar og upptökur en þeir eru báðir þaulreyndir í upptöku og sköpun raftónlistar og því gekk mjög vel að taka upp og útsetja plötuna. Friðfinnur Oculus sá um masteringu og Þórir Georg sá um hönnun plötualbúms en Hallmar Gauti tók ljósmyndirnar.
Phonetically Ayen er útgáfa númer RRS-080 hjá plötuútgáfu Reykjavík Record Shop og kemur á tvöföldum vínyl sem er annars vegar blár og svo hvítur sem er í stíl við ljósmyndina á kápu plötunnar.
Aðilar:
AAIIEENN er Hallmar Gauti Halldórsson. Hallmar Gauti semur öll lög plötunnar en lögin Main Menu og Burst Event samdi hann ásamt Hrafnkeli Líndal
Hrafnkell Líndal sá um upptökustjórn á lögum
Hljóðjöfnun: Friðfinnur ‘Oculus’ Sigurðsson
Hönnun og uppsetning á umslagi: Þórir Georg Jónsson
Ljósmynd: Hallmar Gauti Halldórsson
Útgáfustjórn: Jóhann Ágúst Jóhannsson
Sérstakar þakkir fá // Special Thanks
Tónlistarsjóður styrkti útgáfuna – 1000 þakkir!
Unnusta mín fyrir að hlusta á tónlistina mína og hvetja mig ávallt áfram.
Jonni hjá Reykjavík Records fyrir að taka plötu mína með opnum örmum og gefa hana út.
Hrafnkell fyrir að vera mikill drifkraftur í að taka upp plötuna og hjálpa með útsetningu, platan hefði ekki verið jafn flott án hans vinnu.
Takk Stúdíó Réttarás!
