Bassaleikarinn og tónskáldið Ingibjörg Elsa Turchi hefur verið afar sýnileg í íslensku tónlistarlífi sl. ár og hefur komið fram með mörgum af ástsælustu listamönnum þjóðarinnar, svo sem Emilíönu Torrini, Bubba Morthens, Stuðmönnum og Teiti Magnússyni, bæði á tónleikum og upptökum. Meðal fleiri samstarfsaðila má nefna Mikael Mána, Skuggamyndir frá Býsans, Hróðmar Sigurðsson og Soffíu Björgu, svo fátt eitt sé nefnt. Hún hefur einnig samið verk fyrir Sinfóníuhljómsveit Íslands sem frumflutt var í apríl 2021, spilað í hljómsveit í leikhúsi og tekið þátt í verki Ragnars Kjartanssonar, Kona í e-moll, í Listasafni Reykjavíkur. Ingibjörg gaf út stuttskífuna Wood/Work árið 2017 þar sem rafbassinn var í aðalhlutverki. Í júlí 2020 gaf Ingibjörg svo út sína fyrstu plötu í fullri lengd, Meliae. Hlaut platan titilinn Plata ársins í Djassflokki og Upptökustjórn ársins í Opnum flokki á Íslensku tónlistarverðlaununum 2021 og tilnefningu til Hyundai Nordic Music Prize sama ár.
Ingibjörg Elsa Turchi: Rafbassi
Hróðmar Sigurðsson: Rafgítar og lap steel gítar
Magnús Jóhann Ragnarsson: Píanó og mellotron
Magnús Trygvason Eliassen: Slagverk
Tumi Árnason: Tenórsaxófónn, bassaklarínett, blokkflauta, sekkjapípuchanter
Björg Brjánsdóttir: Bassaflauta
Rósa Guðrún Sveinsdóttir: Baritónsaxófónn
Sólveig Morávek: Klarínett
Upptökur fóru fram í Sundlauginnig og Halastjörnunni.
Upptökustjórn: Birgir Jón Birgisson
Upptökur á tréblásturskvartett: Hróðmar Sigurðsson
Hljóðblöndun og hljómjöfnun: Ívar Ragnarsson
Umslag: Klara Arnalds
